विद्यांचल द स्कूल अकोट येथे ‘हर घर तिरंगा’ मोहीम आणि ‘वंदे मातरम’चे भव्य आयोजन: संपूर्ण शहरात देशभक्तीचा निनाद

विद्यांचल द स्कूल अकोट येथे ‘हर घर तिरंगा’ मोहीम आणि ‘वंदे मातरम’चे भव्य आयोजन: संपूर्ण शहरात देशभक्तीचा निनाद

अकोला जिल्हा प्रतिनिधी देवानंद खिरकर

अकोट:विद्यांचल द स्कूल, अकोट येथे ९ ते १७ ऑगस्ट २०२६ दरम्यान ‘हर घर तिरंगा’ मोहीम आणि राष्ट्रगीत ‘वंदे मातरम’च्या १५० व्या वर्धापन दिनानिमित्त आठवडाभर चालणाऱ्या भव्य कार्यक्रमांचे यशस्वी आयोजन करण्यात आले.या संपूर्ण आठवड्यात शाळा परिसर आणि संपूर्ण अकोट शहर देशभक्तीच्या रंगात रंगलेले पाहायला मिळाले.या मोहिमेचे आयोजन करण्यामागचा शाळेचा मुख्य उद्देश विद्यार्थी आणि नागरिकांच्या मनात देशप्रेम, राष्ट्रीय स्वाभिमान आणि नागरी कर्तव्याची भावना बळकट करणे हा होता. यासोबतच, विद्यार्थ्यांना राष्ट्रीय ध्वज तिरंग्याचे महत्त्व पटवून देणे आणि तो आपल्या आन-बान-शानेने प्रत्येक घरात फडकवण्यासाठी त्यांना प्रेरित करणे ही शाळेची प्राथमिकता होती. ‘वंदे मातरम’च्या माध्यमातून देशाच्या स्वातंत्र्यलढ्यातील संघर्षाची आठवण ठेवणे आणि तळागाळातील लोकांपर्यंत ‘राष्ट्रीय एकात्मते’चा संदेश पोहोचवणे हा देखील या आयोजनाचा प्रमुख हेतू होता.या मोहिमेदरम्यान शाळेच्या विद्यार्थ्यांनी अकोट शहरातील विविध प्रमुख भागात दररोज प्रभातफेरी आणि रॅलींचे आयोजन केले. हातात तिरंगा घेतलेल्या विद्यार्थ्यांनी मोठ्या उत्साहात देशभक्तीच्या घोषणा दिल्या आणि शहरवासीयांना संबोधित करताना भाषणांच्या माध्यमातून राष्ट्रध्वजाची प्रतिष्ठा तसेच ‘वंदे मातरम’चे ऐतिहासिक महत्त्व याबद्दल सविस्तर माहिती दिली.या काळात शाळा परिसरात विशेष कार्यक्रमांचे आयोजन करण्यात आले होते, ज्यामध्ये ध्वजारोहणासोबतच सर्व विद्यार्थी आणि शिक्षकांनी एका आवाजात ‘वंदे मातरम’ आणि देशभक्तीपर गीतांचे सामूहिक गायन केले.उपस्थित सर्व विद्यार्थी आणि कर्मचाऱ्यांनी देशाची अखंडता, सार्वभौमत्व आणि बंधुभाव टिकवून ठेवण्यासाठी राष्ट्रीय एकात्मतेची शपथ घेतली. ही मोहीम यशस्वी करण्यासाठी श्री सुधिर स्वर्गे, श्रीमती पल्लवी सोनार यांच्यासह सर्व कर्मचाऱ्यांनी अमूल्य योगदान दिले, तसेच शाळा व्यवस्थापनाने या यशस्वी आयोजनाबद्दल सर्व विद्यार्थी, पालक आणि शहरवासीयांचे आभार मानले.