‘अष्टविनायक गणेश मंडळा’ मेडशीचा पाद्यपूजन सोहळा संपन
वाशीम जिल्हा प्रतिनिधी (अनिल जाधव)
मालेगांव तालुक्यातील मेडशी येथील ‘अष्टविनायक गणेश मंडळ’च्या वतीने यंदा गणेशोत्सवाचे ८ वे वर्ष मोठ्या उत्साहात साजरे करण्यात येणार आहे. या मंगलमयी वर्षाचे औचित्य साधून मंडळाच्या वतीने आयोजित करण्यात आलेला भव्य ‘पाद्यपूजन सोहळा’ आज नाईक चौक येथे अत्यंत भक्तिमय आणि उत्साहपूर्ण वातावरणात पार पडला. या सोहळ्याची दिमाखदार सुरुवात उपस्थित शाळकरी मुलींच्या नयनरम्य ‘विशेष गणेशवंदना’ सादरीकरणाने झाली. मुलींच्या या भक्तीमय सादरीकरणाने उपस्थित सर्व ग्रामस्थांची मने जिंकून घेतली.दरवर्षी बाप्पाची विलोभनीय मूर्ती साकारणारे मूर्तिकार आणि सोहळ्याला भव्य रूप देणारे मंडपकार यांचा मंडळाच्या वतीने शाल व श्रीफळ देऊन यथोचित गौरव करण्यात आला. कलाकारांच्या कौशल्याचा सन्मान करण्याची मंडळाची ही भूमिका उपस्थितांच्या विशेष पसंतीस उतरली.त्यानंतर बाप्पाच्या पवित्र चरणांचे विधिवत पाद्यपूजन करून भव्य महाआरती करण्यात आली. आरतीच्या वेळी संपूर्ण नाईक चौक परिसर बाप्पाच्या जयघोषाने आणि टाळ्या-मृदंगाच्या गजराने दुमदुमून गेला होता. सोहळ्याची सांगता उपस्थित शेकडो भाविकांना महाप्रसाद वाटपाने करण्यात आले या पहिल्यावहिल्या पाद्यपूजन सोहळ्याचे साक्षीदार होण्यासाठी आणि ‘नाईक चौकाचा राजा’ च्या पवित्र चरणांचे दर्शन घेण्यासाठी मेडशी परिसरातील समस्त गणेशभक्त, ग्रामस्थ तसेच महिला मोठ्या संख्येने उपस्थित होत्या. हा सोहळा यशस्वी करण्यासाठी शरद राठोड, अरुण राठोड, महादेव चव्हाण, पंकज चव्हाण, पृथ्वीराज चव्हाण, संदेश राठोड, संकेत राठोड, अजय चव्हाण, रोहन राठोड, करण राठोड, मयुर राठोड, शिवम राठोड, ओम राठोड, संकेत चव्हाण, हर्षल जाधव, अमोल राठोड, महेश राठोड, निशांत चव्हाण, रोहित पवार, सूरज चव्हाण, रोहन चव्हाण, संदीप चव्हाण, राहुल आडे, अक्षय राठोड, योगेश चव्हाण, ज्ञानेश्वर चव्हाण, निखिल चव्हाण, सागर राठोड, विशाल चव्हाण, ओम चव्हाण, करण चव्हाण, भोला राठोड, पीयुष राठोड, पवन आडे, प्रदीप चव्हाण, मुकेश चव्हाण, अजय राठोड यांसह अष्टविनायक मंडळाच्या सर्व कार्यकर्त्यांनी परिश्रम घेतले.