करंजी येथे छत्रपती शिवाजी महाराज ‘महाराजस्व अभियान समाधान शिबिर’ उत्साहात नागरिकांच्या प्रश्नांचे जागीच निवारण
वाशिम जिल्हा प्रतिनिधी (अनिल जाधव)
दि,७ :-मालेगाव तालुक्यातील करंजी मंडळ मुख्यालयी ‘महाराजस्व अभियान समाधान शिबिराचे’ भव्य आयोजन करण्यात आले होते. राज्याचे आराध्य दैवत छत्रपती शिवाजी महाराज यांच्या प्रतिमेचे पूजन करून कार्यक्रमाची सुरुवात झाली. वाशिमचे जिल्हाधिकारी मा. श्री. योगेश कुंभेजकर, उपविभागीय अधिकारी मा. वैशाली देवकर आणि मालेगावचे तहसीलदार मा. दीपक पुंडे यांच्या मार्गदर्शनाखाली हे शिबिर यशस्वीपणे पार पडले.मान्यवरांची उपस्थितीकार्यक्रमाच्या अध्यक्षस्थानी करंजी ग्रामपंचायतच्या सरपंच मा. त्रिवेणीताई लहाने होत्या. यावेळी प्रमुख अतिथी म्हणून जिल्हा अधीक्षक भूमी अभिलेख (वाशिम) मा. श्रीमती सानप मॅडम, तहसीलदार दीपक पुंडे, गजानन नागरे, उपाधीक्षक भूमी अभिलेख (मालेगाव) श्री. सोंडकर, प्रभारी गटविकास अधिकारी (पंचायत समिती) श्री. गणेश उंडाळ, तसेच कृषी उत्पन्न बाजार समितीचे माजी सभापती व इतर मान्यवर अधिकारी व लोकप्रतिनिधी उपस्थित होते.एकाच छताखाली सर्व शासकीय सेवांचा लाभग्रामीण भागातील नागरिकांना विविध दाखले आणि योजनांच्या कामासाठी तालुक्याच्या ठिकाणी चकरा माराव्या लागू नयेत, या उद्देशाने विविध विभागांचे स्टॉल्स लावण्यात आले होते: * महसूल व पुरवठा विभाग: सातबारा, आठ-अ उतारा, रेशन कार्ड वितरण व दुरुस्ती. * समाजकल्याण योजना: संजय गांधी निराधार योजना व श्रावणबाळ योजनेचे नवीन अर्ज व जागीच मंजुरी. * आरोग्य व तांत्रिक सेवा: नागरिकांची मोफत आरोग्य तपासणी, आधार कार्ड अपडेट, सेतू सुविधा केंद्र व निवडणूक विभाग. * इतर सहभाग: पंचायत समिती, ग्रामपंचायत, कृषी विभाग, भूमी अभिलेख, वन विभाग, महावितरण आणि अंगणवाडी विभाग.तक्रारींचे जागेवरच निरसनशिबिरादरम्यान नागरिकांच्या प्रलंबित तक्रारींवर सकारात्मक चर्चा करण्यात आली. विशेषतः सातबारा दुरुस्ती, कजाप (कमी जास्त पत्रक) आणि विविध शासकीय योजनांच्या कागदपत्रांची पडताळणी करून अनेक प्रकरणांचे जागेवरच निकाल लावण्यात आले, ज्यामुळे ग्रामस्थांना मोठा दिलासा मिळाला.प्रशासकीय पथकाचे योगदानसदर शिबिर यशस्वी करण्यासाठी नायब तहसीलदार सुनील देशमुख, अरविंद करांगळे, रंजना गोरे, पुरवठा अधिकारी बळीराम वांजोळ, किशोर खाडे, तसेच मंडळ अधिकारी जनार्धन मोरे, व्ही. एल. अवचार, संजय बोरकर, निरंजन उईके यांनी परिश्रम घेतले. तसेच ग्राम महसूल अधिकारी ना. ना. विढोळे, गणेश बेदरकर, दिपाली शिंदे, नरेश भुतकर, शिवानंद घुगे, मुंडे आणि महसूल सेवक सुनील साळुंके, सुनील देवळे, संदीप तागड, देवराव इंगोले, अनुराधा काकडे व तहसील कार्यालयातील कर्मचाऱ्यांचे तसेच करंजी मंडळातील आधार टीम, सेतू चालक, जि. प. शाळा करंजीचे शिक्षक व विद्यार्थी यांचे मोलाचे सहकार्य लाभले. तसेच परिसरातील ग्रामस्थ मोठ्या संख्येने उपस्थित होते.