बुलढाणा जिल्हा मधील समर्पित शिक्षकांचा ‘पोस्ट ऑफ द मंथ’ पुरस्काराने गौरव
प्रतिनिधी जळगाव जामोद
विनोबा अँप मधील स्पोकन इंग्लिश प्रोग्राम मध्ये माहे ऑगस्ट 2025 मध्ये उत्कृष्ट कामगिरी करत जिल्ह्यात प्रथम क्रमांक मिळविल्या बद्दल आज दिनांक 23 सप्टेंबर रोजी मुख्य कार्यकारी अधिकारी जिल्हा परिषद बुलडाणा मा श्री गुलाबराव खरात साहेब यांच्या हस्ते वडशिंगी शाळेचे उपक्रम शिल शिक्षक श्रीकृष्ण भटकर यांना सन्मानित करण्यात आले.**त्याचप्रमाणे वडशिंगी केंद्र जिल्ह्यात सतत टॉप 3 मध्ये असल्याने वडशिंगी केंद्राचे केंद्रप्रमुख श्री योगेश वाघ सर यांचाही सत्कार मुख्य कार्यकारी अधिकारी मा श्री गुलाबराव खरात साहेब यांच्या हस्ते करण्यात आला.यावेळी उपशिक्षणाधिकारी मा श्री उमेश जैन साहेब आणि विनोबा चे समन्वयक श्री नजीर शेख सर,यांचे सहकारी आणि जिल्हाभरातील विजेते शिक्षक उपस्थित होते.**शिक्षकांच्या समर्पण आणि कठोर परिश्रमाची दखल घेत एका प्रेरणादायी समारंभात, बुलढाणा जिल्हा मधील जिल्हा परिषद शाळांमधील शिक्षकांना प्रतिष्ठित ‘पोस्ट ऑफ द मंथ’ पुरस्कार आणि इतर पुरस्कारांनी सन्मानित करण्यात आले. जिल्हा परिषद शिक्षण विभाग, बुलढाणा. आणि ओपन लिंक्स फाउंडेशन (OLF) यांच्या संयुक्त विद्यमाने आयोजित या कार्यक्रमात विद्यार्थ्यांच्या विकासासाठी अपवादात्मक बांधिलकी दर्शविणाऱ्या शिक्षकांचा गौरव करण्यात आला.वडशिंगी शाळेचे शिक्षक हे 2 वर्षांपासून विनोबा अँप च्या माध्यमातून विद्यार्थ्यांचा शैक्षणिक दर्जा वाढविण्यासाठी आणि त्यांना अधिक सक्षम बनविण्यासाठी सतत नवनवीन उपक्रम राबवत असतात.‘पोस्ट ऑफ द मंथ’ पुरस्कार हा ओपन लिंक्स फाउंडेशनच्या आचार्य विनोबा भावे शिक्षक सहाय्यक कार्यक्रमाचा एक महत्त्वाचा भाग आहे, ज्याचा उद्देश नवोन्मेषी शिक्षण पद्धतींना ओळखणे आणि प्रोत्साहित करणे आहे. एफएलएन (पायाभूत साक्षरता आणि संख्याज्ञान), वित्तीय साक्षरता, स्पोकन इंग्लिश आणि महावचन यांसारख्या महत्त्वाच्या कौशल्य विकास कार्यक्रमांमध्ये उत्कृष्ट कामगिरी करणाऱ्या शिक्षकांचाही या कार्यक्रमात गौरव करण्यात आला.प्रमुख पाहुणे माननीय श्री. गुलाबराव खरात साहेब व माननीय श्री. उमेश जैन साहेब यांनी पुरस्कार विजेत्या शिक्षकांच्या उत्साही प्रयत्नांची प्रशंसा केली आणि त्यांच्या कार्याचा विद्यार्थ्यांच्या सर्वांगीण विकासावर होणारा सकारात्मक परिणाम यावर जोर दिला. त्यांनी सर्व शिक्षकांना त्यांचे समर्पित सेवाकार्य सुरू ठेवण्यासाठी प्रोत्साहित केले.या कार्यक्रमात जिल्ह्यातील विविध शाळांमधील अनेक शिक्षक उपस्थित होते.