दिवाळीपूर्वी दिव्यांगांचे थकीत मानधन सुरू करा,अन्यथा आमरण उपोषण अकोट तालुक्यातील दिव्यांगांचा आक्रोश,प्रहार अपंग क्रांती संस्थेचे जिल्हाधिकाऱ्यांना निवेदन
अकोला जिल्हा प्रतिनिधी देवानंद खिरकर नामदार
बच्चुभाऊ कडू यांच्या मार्गदर्शनाखाली दिव्यांगांच्या न्याय्य हक्कांसाठी संस्थेचा एल्गार अकोट तालुक्यातील दिव्यांग व्यक्तींचे संजय गांधी निराधार अनुदान योजने अंतर्गत मिळणारे मानधन मागील पाच ते सहा महिन्यांपासून प्रलंबित असल्याने दिव्यांग लाभार्थ्यांवर उपासमारीची वेळ ओढवली आहे.एकीकडे दिवाळीचा सण जवळ आला असताना दुसरीकडे हातात पैसा नसल्याने अनेक दिव्यांग कुटुंबांसमोर उदरनिर्वाहाचा गंभीर प्रश्न निर्माण झाला आहे.या ज्वलंत प्रश्नाकडे प्रशासनाचे लक्ष वेधण्यासाठी प्रहार अपंग क्रांती संस्था रजि अकोट महाराष्ट्र यांच्या वतीने जिल्हाधिकारी, अकोला यांना निवेदन सादर करून दिव्यांगांचे थकीत मानधन तात्काळ सुरू करण्याची जोरदार मागणी करण्यात आली आहे.दिव्यांगांच्या न्याय्य हक्कांसाठी सातत्याने संघर्ष करणाऱ्या दिव्यांगांचे हृदयसम्राट,मा.आ.बच्चुभाऊ कडू यांच्या मार्गदर्शनाखाली संस्थेने दिव्यांगांच्या प्रलंबित प्रश्नांवर प्रशासनाचे लक्ष केंद्रित केले आहे.शासनाच्या योजनांचा लाभ मिळणे हा पात्र दिव्यांगांचा अधिकार असताना, अनेक महिन्यांपासून मानधन रखडल्यामुळे लाभार्थ्यांना आर्थिक संकटाचा सामना करावा लागत असल्याची बाब निवेदनातून मांडण्यात आली आहे.पाच ते सहा महिन्यांपासून मानधन रखडले दिव्यांगांचा उदरनिर्वाह धोक्यात संजय गांधी निराधार अनुदान योजनेची डीबीटी (DBT) प्रणाली व संकेतस्थळ बंद असल्याने किंवा तांत्रिक अडचणींमुळे अनेक पात्र दिव्यांग लाभार्थ्यांचे मानधन प्रलंबित असल्याचे निवेदनात नमूद करण्यात आले आहे.काही लाभार्थ्यांच्या खात्यात नियमित मानधन जमा होत असताना,अनेक पात्र लाभार्थी मात्र लाभापासून वंचित असल्याची तक्रार संस्थेने केली आहे.दिव्यांग व्यक्तींना दैनंदिन गरजा भागविण्यासाठी,औषधोपचारासाठी आणि अन्नधान्यासाठी आर्थिक मदतीची नितांत आवश्यकता असते.त्यातच मानधन अनेक महिन्यांपासून मिळत नसल्याने त्यांच्या अडचणी अधिकच वाढल्या आहेत. त्यामुळे प्रशासनाने तांत्रिक अडचणी दूर करून सर्व पात्र लाभार्थ्यांचे थकीत मानधन तातडीने त्यांच्या खात्यात जमा करावे अशी मागणी करण्यात आली आहे.गंभीर दिव्यांग व्यक्तींसाठी विशेष मदतीची मागणी ज्या दिव्यांग व्यक्तींना दिसत नाही,हात-पायांच्या मर्यादांमुळे काम करणे शक्य होत नाही किंवा गंभीर दिव्यांगत्वामुळे स्वतःचा उदरनिर्वाह करणे कठीण होते.अशा व्यक्तींच्या परिस्थितीचा शासनाने गांभीर्याने विचार करावा.अशा लाभार्थ्यांना आवश्यक आर्थिक मदत,शासकीय सुविधा आणि योजनांचा लाभ प्राधान्याने उपलब्ध करून द्यावा अशी मागणीही निवेदनातून करण्यात आली आहे.शिवाय संजय गांधी निराधार योजनेतील पात्र लाभार्थ्यांसाठी शेती व जमिनीच्या मर्यादांबाबत स्पष्ट मार्गदर्शन करावे.अर्ज व प्रलंबित प्रकरणे तातडीने निकाली काढावीत आणि पात्र व्यक्तींना कोणत्याही अनावश्यक विलंबाशिवाय योजनेचा लाभ मिळवून द्यावा असेही संस्थेने प्रशासनाला सांगितले आहे.दिवाळीपूर्वी निर्णय घ्या अन्यथा आमरण उपोषणाचा इशारा दिवाळी हा आनंदाचा आणि प्रकाशाचा सण असला तरी मानधनाअभावी दिव्यांगाच्या घरात अंधार निर्माण होण्याची वेळ आली आहे.अशा परिस्थितीत प्रशासनाने केवळ आश्वासने न देता प्रत्यक्ष कार्यवाही करुन दिव्यांगांना दिलासा द्यावा अशी ठाम भूमिका संस्थेने घेतली आहे.दिवाळीपूर्वी प्रलंबित मानधनाचा प्रश्न मार्गी लावून पात्र लाभार्थ्यांच्या खात्यात रक्कम जमा करावी अन्यथा अकोट तालुक्यातील दिव्यांग व्यक्तींना लोकशाही मार्गाने आमरण उपोषण करण्याचा निर्णय घ्यावा लागेल असा स्पष्ट इशारा निवेदनातून देण्यात आला आहे.या आंदोलनाची वेळ येऊ नये यासाठी जिल्हा प्रशासनाने तातडीने हस्तक्षेप करून संबंधित विभागाला आवश्यक निर्देश द्यावेत अशी अपेक्षा व्यक्त करण्यात आली आहे.दिव्यांगांच्या न्यायासाठी प्रहार अपंग क्रांती संस्था आक्रमक या निवेदनावर प्रहार अपंग क्रांती संस्था अकोट महाराष्ट्रचे तालुका अध्यक्ष श्री. दिनेश म. जऊळकार, तालुका उपाध्यक्ष श्री. पंकज पाखरे, तालुका अध्यक्षा श्रीमती उमा भु. खंडार, तालुका उपाध्यक्ष श्रीमती दिपाली श्री. रेवस्कार (घुगे बाई) यांच्यासह शंकर सांगळे, सुमित खंडारे व इतर दिव्यांग बांधव उपस्थित होते.
दिव्यांग व्यक्तींना त्यांचा हक्काचा लाभ वेळेत मिळावा, शासनाच्या योजनांमधील अडथळे दूर व्हावेत आणि आर्थिक विवंचनेत सापडलेल्या कुटुंबांना दिलासा मिळावा, हीच संस्थेची प्रमुख मागणी आहे. आता या गंभीर प्रश्नावर जिल्हाधिकारी आणि संबंधित प्रशासन कोणती भूमिका घेते, याकडे अकोट तालुक्यातील दिव्यांग लाभार्थ्यांचे लक्ष लागले आहे.दिव्यांगांचे मानधन हा उपकार नसून पात्र लाभार्थ्यांचा हक्क आहे.दिवाळीपूर्वी हा हक्क मिळालाच पाहिजे अशी भावना या निवेदनातून व्यक्त होत आहे.