श्री संत जंगली महाराजांच्या पुण्यतिथीनिमित्त पंचवटी येथे हजारो भाविकांनी घेतला महाप्रसाद
नांदुरा खुर्द : (संदेश पहुरकर )
श्री संत जंगली महाराज यांच्या पुण्यतिथीनिमित्त पंचवटी, नांदुरा खुर्द येथील समाधी मंदिर परिसरात भक्तिमय वातावरणात धार्मिक कार्यक्रमाचे आयोजन करण्यात आले. यानिमित्त समाधी मंदिराला आकर्षक फुलांची सजावट करण्यात आली होती. दर्शनासाठी परिसरातील तसेच दूरवरून आलेल्या हजारो भाविकांनी मोठी गर्दी केली.पुण्यतिथीनिमित्त आयोजित महाप्रसादाचा हजारो भाविकांनी लाभ घेतला. सायंकाळपासूनच भाविकांची मोठी उपस्थिती होती. महिला, पुरुष, ज्येष्ठ नागरिक तसेच बालकांनी भक्तिभावाने महाप्रसाद ग्रहण केला. महाप्रसादासाठी आयोजकांकडून नियोजनबद्ध व्यवस्था करण्यात आली होती.यावेळी संपूर्ण परिसरात श्री संत जंगली महाराजांच्या जयघोषाने भक्तिमय वातावरण निर्माण झाले होते. भाविकांच्या सोयीसाठी स्वयंसेवकांनी गर्दीचे नियोजन तसेच महाप्रसाद वितरणाची व्यवस्था सुरळीतपणे पार पाडली.हा धार्मिक सोहळा राधे कृष्ण दुर्गा उत्सव मंडळ व समस्त गावकरी मंडळी, पंचवटी, नांदुरा खुर्द यांच्या वतीने आयोजित करण्यात आला होता. आयोजकांच्या वतीने भाविकांसाठी विविध सुविधा उपलब्ध करून देण्यात आल्या.श्रद्धा, भक्ती आणि सेवाभावाने पार पडलेल्या या पुण्यतिथी सोहळ्याला भाविकांचा उत्स्फूर्त प्रतिसाद मिळाला. भक्तिमय वातावरणात श्री संत जंगली महाराजांची पुण्यतिथी मोठ्या उत्साहात संपन्न झाली.